君如為新片假隆胸，其實為了演戲，女星可以去到好盡，即使要她們在戲中犧牲靚樣，化成醜女、怪物甚至孭着數十磅肥肉開工，她們都在所不惜！
莫文蔚《食神》（96年）
周星馳向來愛醜化戲中女角，莫文蔚於《食神》內的刀疤哨牙造型，可說是成功將她易容變成另一人。
趙薇《少林足球》（01年）
同是周星馳電影，又豈會輕易放過趙薇？但這次趙薇將「阿梅」一角發揚光大，令阿梅成為醜女的代名詞。
鄭秀文《瘦身男女》（01年）
零脂肪的鄭秀文，在片中飾演一位260磅的大肥妹，拍攝時需穿特殊外套，並用矽膠黏貼皮膚8小時。
李嘉欣《豬扒大聯盟》（02年）
有大美人之稱的李嘉欣，為電影亦可以犧牲美貌，戴上頭套變成地中海美女，激變豬扒一號。
林嘉欣《怪物》（05年）
林嘉欣化上爛面特技化妝、戴上癩痢頭套，甜美外貌頓變恐怖怪物，當年真的嚇壞不少男粉絲。
現年48歲的吳君如拋胸為藝術犧牲，利用特技倒模隆出38G巨胸，入型入格扮妓女金雞，不過皮肉錢唔易賺，變了巨胸雞的君如腰骨赤赤痛，收工「拆彈」時更試過撕爛肉，苦不堪言！君如日前更化身瑪麗蓮夢露，跟八位半裸大隻男拍海報，由iPad身材激變38G超級波的她，彎身露假點都不怕，點擊八壯士！
吳君如孭飛的賀歲片《金雞sss》下月30日上映，大打人情牌，邀請好友張家輝、古天樂及梁家輝等演出。日前「阿金」吳君如在葵涌拍攝電影海報，以瑪麗蓮夢露性感造型，大晒38G巨胸及長腿，電影公司安排八位半裸大隻男拱照君如，男模更抱起她嘟嘴扮錫，香艷不足，搞笑有餘，君如擺出腿張開甫士時，更不慎露出白色打底褲。
陳可辛加家用
當日君如有假胸護身，一於冇有怕，彎低身、露點都毫不忌諱，她笑說：「由佢啦！橫掂個胸都唔係真係我。」君如由iPad身材變38G巨胸人，問到假胸製作過程？她即搞笑地說：「由香港出發去韓國，搭四個鐘飛機，入咗手術室，醫生開刀塞咗矽膠入去，頭尾喺韓國休息咗兩日，拍完戲諗住攞番出嚟，又搭飛機去韓國。」她指今次巨乳有G Cup，令她很疲倦，整個人的生活亦有所改變：「我返屋企受歡迎咗啦，陳可辛畀多咗家用，但係我日日要搵按摩師捽腰骨，原來大胸係好攰，真係會腰骨痛！」
其後君如才正經地說：「其實係個特技師做得非常好，要倒模外，個胸用一次就爛，每次都要花幾個鐘黐個胸，因為我本身好好動，又鍾意講嘢，特技化妝師講得最多係『don't move（唔好郁）』同埋『don't talk（唔好講）』，我話做唔到，因為talk同move係我性格，之後嗰幾個鐘佢就不停話『don't move Sandra（君如）please』，我話不如好似整容咁，畀支麻醉針我得唔得？我就可以唔move，不過佢真係做得好細緻，連做凸點、乳頭、乳暈都做得好似，我甘拜下風。」
裸照嚇窒古仔
君如又自爆做了一件最絕的事，她笑說：「我整咗特技胸後，梗係要留念啦，我影咗張裸照擺喺手機，每個男明星一開工，就扮冇嘢咁畀張裸照佢哋睇，大家第一個反應都係唔好意思，做乜將私下裸照拎出嚟，然後每一個男明星都係九秒九成塊面紅晒，我就好得逞咁笑到好開心。初初我仲以為佢哋睇完會好興奮，之後先發覺個個都係唔好意思睇朋友嗰個（胸）。」問到誰人反應最大？君如指第一個做實驗是古天樂（古仔），他的臉立即由零標到一百紅色，其後看清楚才知道是假胸，每個男星都成功被整蠱。
君如表示黐假胸過程很辛苦，她說：「每次收工搣啲膠，起碼搣半個鐘，我份人又心急，有次好大力扯甩啲膠紙，之後就慘喇！返屋企啲膠原來仲黐住喺我皮膚周圍，捽到啲肉爛晒，即時有個感覺好似賺緊皮肉錢。」她指電影並非三級，故沒有假露點場面，只會點到即止。
採訪：溫敏芝、何永寧
現年48歲的吳君如拋胸為藝術犧牲，利用特技倒模隆出38G巨胸，入型入格扮妓女金雞，不過皮肉錢唔易賺，變了巨胸雞的君如腰骨赤赤痛，收工「拆彈」時更試過撕爛肉，苦不堪言！君如日前更化身瑪麗蓮夢露，跟八位半裸大隻男拍海報，由iPad身材激變38G超級波的她，彎身露假點都不怕，點擊八壯士！
吳君如孭飛的賀歲片《金雞sss》下月30日上映，大打人情牌，邀請好友張家輝、古天樂及梁家輝等演出。日前「阿金」吳君如在葵涌拍攝電影海報，以瑪麗蓮夢露性感造型，大晒38G巨胸及長腿，電影公司安排八位半裸大隻男拱照君如，男模更抱起她嘟嘴扮錫，香艷不足，搞笑有餘，君如擺出腿張開甫士時，更不慎露出白色打底褲。
陳可辛加家用
當日君如有假胸護身，一於冇有怕，彎低身、露點都毫不忌諱，她笑說：「由佢啦！橫掂個胸都唔係真係我。」君如由iPad身材變38G巨胸人，問到假胸製作過程？她即搞笑地說：「由香港出發去韓國，搭四個鐘飛機，入咗手術室，醫生開刀塞咗矽膠入去，頭尾喺韓國休息咗兩日，拍完戲諗住攞番出嚟，又搭飛機去韓國。」她指今次巨乳有G Cup，令她很疲倦，整個人的生活亦有所改變：「我返屋企受歡迎咗啦，陳可辛畀多咗家用，但係我日日要搵按摩師捽腰骨，原來大胸係好攰，真係會腰骨痛！」
其後君如才正經地說：「其實係個特技師做得非常好，要倒模外，個胸用一次就爛，每次都要花幾個鐘黐個胸，因為我本身好好動，又鍾意講嘢，特技化妝師講得最多係『don't move（唔好郁）』同埋『don't talk（唔好講）』，我話做唔到，因為talk同move係我性格，之後嗰幾個鐘佢就不停話『don't move Sandra（君如）please』，我話不如好似整容咁，畀支麻醉針我得唔得？我就可以唔move，不過佢真係做得好細緻，連做凸點、乳頭、乳暈都做得好似，我甘拜下風。」
裸照嚇窒古仔
君如又自爆做了一件最絕的事，她笑說：「我整咗特技胸後，梗係要留念啦，我影咗張裸照擺喺手機，每個男明星一開工，就扮冇嘢咁畀張裸照佢哋睇，大家第一個反應都係唔好意思，做乜將私下裸照拎出嚟，然後每一個男明星都係九秒九成塊面紅晒，我就好得逞咁笑到好開心。初初我仲以為佢哋睇完會好興奮，之後先發覺個個都係唔好意思睇朋友嗰個（胸）。」問到誰人反應最大？君如指第一個做實驗是古天樂（古仔），他的臉立即由零標到一百紅色，其後看清楚才知道是假胸，每個男星都成功被整蠱。
君如表示黐假胸過程很辛苦，她說：「每次收工搣啲膠，起碼搣半個鐘，我份人又心急，有次好大力扯甩啲膠紙，之後就慘喇！返屋企啲膠原來仲黐住喺我皮膚周圍，捽到啲肉爛晒，即時有個感覺好似賺緊皮肉錢。」她指電影並非三級，故沒有假露點場面，只會點到即止。
採訪：溫敏芝、何永寧
