馮仁昭四圍超：鄧光榮遺孀賀牛一 - 馮仁昭

鄧光榮遺孀嚴珍納𠵱家同兩個女生活得相當唔錯，噚日陳淑芬嘅仔陳家豪喺微博貼咗啲相，一班嚴珍納嘅好友包括有劉培基、陳寶珠、唐鶴德、施南生同蔡一傑等，聚埋一齊幫佢慶祝生日，當然唔少得佢同鄧光榮嘅兩個乖女，一班老友陪住嚴珍納切蛋糕，劉培基仲作狀錫佢一啖，真係鬼馬。相中見嚴珍納着上紅色褸，精神相當之好，有乖女同老友陪住，吃喝玩樂夠晒開心。


撰文：馮仁昭