馮仁昭四圍超：姚子羚約友試食 - 馮仁昭

被人話激似日劇《半澤直樹》女主角嘅姚子羚，相信第時TVB翻拍嘅話，佢一定有份演出。上兩個月先去完檳城拍《星級健康》節目，近日暫時未有劇開，前日佢約埋朋友嘆咖啡。前日大概7點半佢去咗銅鑼灣時代廣場行街，之後去咗附近一間咖啡店坐低，唔夠5分鐘就有位女性友人嚟到會合。兩個人落咗時代廣場地庫，撞啱有日本美食推廣，佢哋試食完後仲即刻幫襯。


撰文：馮仁昭