美猴王甄子丹怕開大

甄子丹、周潤發、郭富城、陳慧琳和梁詠琪等演出，斥資六億港元的3D賀歲片《西遊記之大鬧天宮》大後日上映，幕前巨星大晒冷，連幕後班底都有料到，動用打造荷李活電影《加勒比海盜：魔盜王4》的3D電影特技大師Daniel L.Symmes外，主角甄子丹扮演的齊天大聖孫悟空造型尤其栩栩如生，原來出自《戰》片特效化妝總監Shaun Smith手筆。


子丹戲中五個造型花約800萬港元，他昨日在電話中大呻扮孫悟空背後辛酸說：「最初為造型倒模，除咗臉部表情要素描，全身倒模，甚至連牙齒都要定位，我罰企咗半個鐘，裏面着緊身衫，外面塗石膏，水份乾咗，我好似孭咗個人咁，腳踭好痛。」