馮仁昭四圍超：《黑金》官司　華仔敗訴賠69萬 - 馮仁昭

劉德華17年前拍咗部電影《黑金》（台譯《情義之西西里島》)，有場直升機打鬥戲份，華仔不慎踢到操縱桿導致直升機傾斜，直升機葉片掃到大光燈布幔而受損，當時出租直升機嘅台灣德安航空要求賠償不果，98年入稟台北法院要求賠償，一告就10年，08年判咗華仔賠償510萬新台幣（約133萬港幣），之後提出上訴，又過咗6年，前後搞咗16年，噚日終於有定案，台灣高院駁回上訴，話雖然德安航空有責任喺拍攝時確保航務安全，但華仔誤觸操縱桿都要負4成過失責任，判佢賠償267萬新台幣（約69萬港元）。