柏豪被盜歌或報警

周柏豪原訂下周二才派台的新歌《異能》，近日竟在內地的網站任聽，柏豪知道後十分憤怒，昨日他接受電話訪問說：「噚晚有fans喺網上通知我，話喺內地網站聽晒首歌，嗰個網仲有齊歌詞同宣傳相，我知道後好震驚，呢首歌下星期先派台，𠵱家俾人飲咗頭啖湯，影響宣傳，問題好嚴重。」 柏豪嘆謂《妳還怕大雨嗎》MV都發生過類似事件，他說：「我問歌迷點解有MV，佢話入咗公司server，嗰次公司冇追究，只係改密碼，但今次就未知乜原因，同事都搵緊源頭。」問會否報警處理？他說：「希望冇人犯法，首歌係自己心機同公司資產，我一直keep喺email冇遺失。」而華納發言人指老闆很震怒，再三叮囑同事小心保管file，考慮報警處理此事。


採訪：林妃