郭鋒轟封殺有幕後黑手

郭鋒及張松枝前晚於茶果嶺拍攝港視劇集《Night Shift》最後一日戲，周家怡到場探班。郭鋒有留意無綫封殺壹傳媒，並說：「件事對雙方冇利益。」當他得知連公園等公眾地方都不給壹傳媒進入時，他說：「佢哋租咗場地？所以有呢個權利？件事搞到咁，唔會有人鍾意，點解搞到咁醜惡，公司同公司有仇？員工都係受指示，戥前同事好無奈，呢單嘢有幕後黑手，只係關一個人嘅事，件事起因要公平，𠵱家搞到好唔公平。」至於張松枝表示不捨劇集煞科：「會唞吓先，出面有安排工作。」對於無綫封殺壹傳媒，他說：「好小事，唔會封好耐。覺得佢哋斬腳趾避沙蟲，好似有佢講冇人講。」


採訪：譚倩宜


攝影：黃偉雄