關仁隱事：「咪咪」錯愛軟飯王 - 關仁

𡃁模「咪咪」早前同情敵嗌大交，你一言，我一語，拗到火紅火綠，水火不容，不過咪咪最後有長輩撐，令事件終告平息。關仁聽聞咪咪真係幾委屈，女人跟錯男人真係幾慘，咪咪身邊朋友爆料話佢舊愛「撻撻」係軟飯王，從來冇為過頭家負過責任。識咗新歡，仲諗住問前度女友攤大手板借錢，其實借出去嘅錢咪等同潑出去啲水，邊有真係有借有還㗎，撻撻厚臉皮到咁，先辣㷫咪咪嚟個大反擊。


撰文：關仁