芷晴興奮父女劇面世

黃芷晴日前因病而缺席港視聖誕派對，她前日在電話中坦言十分可惜：「我喺韓國旅行嗰陣已經買咗條裙，諗住去party着，落機嗰日仲收到好消息，點知最後病咗去唔到。」不少港視藝人把成功開台視為最好的禮物，芷晴亦不例外，她說：「初初都擔心，我唔係擔心自己嘅前途，反而係覺得同爸爸（黃日華）拍咗一套劇，對我哋嚟講，係一個好有紀念價值嘅事，𠵱家好好彩可以有番個牌，希望可以快啲播！」她續說：「聽講我之前拍嗰套電影都會上畫，所以下年真係叫正式有作品可以畀大家睇，我啲朋友會買接收器支持。」


採訪：何慧斯


場地提供：The AIR（The One）