睇偉仔床戲唔舒服

蘇州男人出名重情，蔡瀾認識一位朋友，當年遭遇文革最悲慘的時代，被批鬥得遍體鱗傷。他走路回家時，看見池塘裏有些浮萍，便取了一些放在破爛的杯子裏送給妻子，其妻愛他愛到死去活來。倪匡對蘇州也情有獨鍾，仍記得當地食肆的一位老闆娘：「中國嘅長板凳36吋長，有一定規格，嗰個女人坐落去，兩邊屁股仲喺板凳出面！」蔡瀾提到蘇州女人有一大特色，就是甚麼都會徵求別人同意，就算要摑你兩巴掌，都會先問你：「我可不可給你兩記耳光？」


曾在節目大爆對梁朝偉有心動感覺的肥佬黎，終於跟嘉玲談起偉仔：「你同梁朝偉可以係一個case study嚟！你哋咁多年一齊，又咁多緋聞、咁多騷擾、咁多機會、咁多吸引、咁多誘惑，居然仲喺埋一齊。」肥佬黎覺得他們兩人性格迥異，走在一起絕對是「命」：「譬如話梁朝偉冇咗佢，就好似冇辦法冇咗媽媽一樣。」嘉玲笑說：「嘩，你諗吓我幾偉大吖，我哋係母愛嚟！因為係無私，全程奉獻。」蔡瀾問嘉玲見偉仔跟湯唯在《色，戒》拍床戲，可感到呷醋？嘉玲說：「我唔會呷醋，但我梗係唔舒服，但好快過。」