學友籲黑白色悼阿梅

張學友發起的「梅艷芳．10．思念，音樂．會」將於明晚在會展舉行，學友透露因今次是借商台叱咤舞台，完騷要拆台交還，故選用簡單隆重的形式，主要以黑白和紅色。學友叮囑出席人士記緊要着黑白色服裝：「想鏡頭影到觀眾席時，顏色同整件事能一致、莊重同好睇啲。」問學友可感很大壓力？他嘆口氣說：「要兼顧好多嘢，不過無論點都好，最緊要係大家對阿梅嘅心。我最希望喺100年後，阿梅嘅名字冇俾人忘記，雖然中間有好多原因，令阿梅未得到應有嘅榮耀。」至於星光大道豎銅像，她說：「佢係值得有。」


此外，學友前日現身銅鑼灣，走到謝霆鋒的公司所在大廈，在樓上逗留半小時，學友離開等電梯往停車場時發現記者，打算調虎離山說：「我頭先喺電梯口撞到霆鋒喎，你哋冇去影佢咩？」


採訪、攝影：徐錦池、張曦彤