大劉急晒新褸

大劉劉鑾雄噚日去飯堂灣仔福臨門食晏，同行唔係最近連環陪過冬至同Boxing Day嘅女友甘比，只係得秘書陪開餐。大劉雖然繼續藍黑衫加身，不過外套換上新款，改穿藍調混色針織外套，感覺新鮮，即刻幫沉悶嘅上班造型注入活力。兩個人食咗約一個鐘離開，大劉企喺大堂等座駕，期間拉拉衣襟，大騷新褸。


謝賢下晝一點幾同兩女一男亦現身福臨門，一齊坐四哥架勞斯萊斯房車，四哥坐車頭乘客位，喺店員手上接過外賣食品，問四哥係咪買畀孫仔？佢冇回應。


採訪：林嘉慈


攝影：陳志嵐