港版半澤預告　港視2月拍新劇

彭家麗、蔡瀚億（BabyJohn）、港視藝員陸駿光及高俊文等，昨日於港台出席「十大開心新聞選舉」活動，對於一班香港電視的藝員而言，今年最開心莫過於王維基成功收購中移動的流動電視牌照，明年7月成功開台，劇集終於播出有望，「港版半澤」陸駿光昨日更透露公司已安排下年2月中再開新劇，難怪他坦言今年聖誕心情特別愉快。陸駿光下年2月將開工，他說：「嚟緊2月會拍番之前話拍嘅《大眾情性》，合作嘅演員有黃美棋。」


高俊文亦表示向來對老闆王維基抱有正面態度，他說：「我相信老闆唔會將我哋呢班資產流失，仲揀咗個咁靚嘅日子宣佈，真係好開心。」

彭家麗斟出碟
彭家麗今年因與走音主席合唱《從不喜歡孤單一個》，人氣升了不少，連她自己亦覺得工作上有新的機會，她說：「多咗好多年輕人識我，呢幾年都曾經想過再出唱片，但呢條片令我覺得好似一覺瞓醒就發生咗咁，令我最開心係𠵱家同Sony Music傾明年出唱片嘅事。」問到會否找走音主席再度合唱收錄於新碟內，她即說：「唔會囉！」


採訪、攝影：王崇穎