龍小菌MK續唱怕被扑頭

龍小菌日前在旺角行人專用區與香港聾人協進會的聾啞人士出席報佳音活動，被賣藝團體3L樂隊出言侮辱，事後小菌與經理人邵子風決定不再落旺角行人專用區唱歌，不過前晚她再度現身，邵子風解釋：「今次係最後一次，因為上次演出未完成。」演出後，小菌坦言的確有點怕，她說：「架車泊得好遠，怕撞到嗰隊樂隊同佢哋啲fans，怕被人扑頭，好彩冇事發生。」


如絕迹旺角行人專用區，是否從此封咪？小菌說：「我都唔捨得，旺角係自己嘅發源地，𠵱家有太多街頭表演，如果有監管、有發牌、有準則會好啲，有問題係政府，街頭表演係值得保留。」她謂就算不在旺角表演，過往亦試過在黃大仙、調景嶺、沙田等地方演出。對於3L已在facebook致歉，邵子風斥對方沒有誠意和充滿大話。


採訪：譚倩宜


攝影：仇志德