黑白情侶裝搶晒鏡　林峯捉千語合照

林峯、吳千語、盛君等前晚到銅鑼灣出席《詭嬰》首映禮，林峯和千語BB同場自然成為焦點，不過大會刻意分開二人，只在祝酒環節時他們才現身，不過他們表現煞有介事，兼距離很遠，雖然他們不介意合照，但大會又刻意拆散他們，助手一度拉吳千語入後台，最後林峯盡顯紳士風度，大方伸手邀千語BB影合照，二人更有默契地穿上黑白色情侶裝。未有男友在身邊護花，千語BB影相時竟被戲中的Jimmy公仔撞到頭，她即笑說：「隻Jimmy又嚇我，拍戲時都成日嚇我。」

徐子珊長期熄電視
及後林峯和千語BB被安排分開做訪問，二人都異口同聲表示不是拍此片撻着，但不肯回應拍攝時是否已拍拖。有指林峯日前到順德宣傳，更帶女友回鄉下見家長，林峯即說：「我鄉下係廈門，不過我有去廈門，但親戚喺晒香港，嗰日只係帶工作人員食餐飯。」他表示女友見家長是很正常。而千語BB則否認見家長，並說：「呢樣嘢唔答，今日係演員，唔覺避忌，我係以演員身份宣傳部戲，𠵱家好多人，唔好講呢啲，講首映啦。」剛於本月27日20歲生日的千語BB就大呻好忙沒時間慶祝，希望完成工作後才慶祝生日，但她就不肯回應男友當日有何表示。


此外，對於昨晚熄電視撐港視行動，林峯沒有回應是否支持，只表示自己不在香港。徐子珊亦避談表示因長期開工，所以一向沒開電視。至於會否叫家人熄電視支持，她說：「屋企人都唔喺香港，因為我做嘢，冇辦法之下都要熄電視。」


採訪：胡比


攝影：陳慧安