馮仁昭四圍超：羅家英轟證件被公開 - 馮仁昭

經常穿梭中港兩地嘅羅家英，前晚到內地工作，入住一間酒店。大家都知住酒店要證件登記，點知有啲無良嘅酒店職員，竟然將家英哥嘅回鄉證喺微博度公開，家英哥見到真係嬲到爆。嗰個職員喺張相度留言話：「哈哈，昨晚唐僧大人入住我們酒店了。」佢大爆家英哥同行有一個女子，但就一人一間房，仲話間房係一間醫療機構代訂，估佢哋嚟做代言工作喎，家英哥見到就好嬲咁回應：「太沒道德了……強烈不滿！」


撰文：馮仁昭