馮仁昭四圍超：　原子鏸肥魚仙惡鬥肉感米妮 - 馮仁昭

原子鏸、JW同黃榕前晚扮鬼扮馬喺中環置地廣場參加萬聖節party，原子鏸一身小魚仙造型現身，仲谷胸露出豐滿肥腰，而明珠台《港生活．港享受》嘅男主持蘇頌輝就身着裸色內衣玩易服，扮Miley Cyrus之前喺MTV Award嘅性感造型，不過佢嘅短內褲更激突，同原子鏸同樣咁出位。

黃榕冧機師
原子鏸笑言自己將長裙改做成短裙仔，大騷美腿，佢話：「我年年都會參加呢個party，約晒成班朋友扮迪士尼角色，本來想扮《阿拉丁》入面嘅Jasmine，又想扮《風中奇緣》嘅印第安公主。」講到早前佢孖住大隻男去shopping，佢笑笑口話：「佢唔鍾意女仔，我哋一齊做教舞老師，自己有冇拍拖就唔講啦。」至於黃榕就扮米妮老鼠出席，仲話最鍾意制服派對：「希望喺場入面搵到我嘅米奇老鼠，自己最鍾意男仔扮機師。」


撰文：馮仁昭