馮仁昭四圍超：靚靚嚴選中華小姐 - 馮仁昭

前晚喺珠海舉行嘅「2013中華小姐環球大賽」最後由嚟自北京嘅王瑾瑤勇奪冠軍同最上鏡小姐，成為雙料冠軍，大會仲請咗評判袁詠儀（靚靚）頒最上鏡小姐獎畀佢，嚟自美國及澳洲嘅牟冠紅同曾越，分別奪得亞、季軍。成為雙料冠軍嘅王瑾瑤話得獎就好似發夢一樣，又話：「我勝在不緊張，真誠，而且說話有趣。」佢仲話自己有進修主持知識，希望可以留喺娛樂圈發展。


撰文：馮仁昭