關仁隱事：「霹靂雷」秘婚守得雲開 - 關仁

「霹靂雷」當年秘密生仔，唔敢承認女友珠胎暗結，都係擔心粉絲流失，好在近年港台越嚟越多藝人被爆秘婚，霹靂雷都順勢公開有個囝囝，𠵱家一家三口出現，受到粉絲祝福，關仁都戥佢高興。事關聽講霹靂雷嘅爸爸，當年好唔鍾意未來新抱，覺得佢貪乖仔啲錢，有次霹靂雷帶女友返屋企見家長，老爸竟然掉頭走入房，嘭一聲閂埋房門，擺明唔畀面未來新抱，霹靂雷好難過，同老友訴苦，呢件事傳開咗，大家都估唔到霹靂雷外表咁花弗，原來愛情至上又孝順。


撰文：關仁